16141637404014456551 750x500

Xocalı soyqırımı qurbanlarının xatirəsi Belçikada da anılıb

Bakı, 24 fevral, AZƏRTAC
Belçikada fəaliyyət göstərən Azərbaycan–Belçika Dostluq Cəmiyyətinin üzvləri Xocalı soyqırımının 29-cu ildönümü ilə əlaqədar anım mərasimi keçiriblər. Anım mərasimi mövcud pandemiya qaydalarına uyğun təşkil edilib.
Diasporla İş üzrə Dövlət Komitəsindən AZƏRTAC-a bildiriblər ki, Belçikanın Ham şəhərində ucaldılmış Qarabağ atı abidəsinin önünə toplaşan Cəmiyyət üzvləri Xocalı soyqırımı qurbanlarının xatirəsini bir dəqiqəlik sükutla yad edib, abidənin önünə gül dəstələri düzüblər.
Tədbirdə çıxış edənlər 1992-ci il fevralın 25-dən 26-na keçən gecə erməni silahlı birləşmələrinin Xocalının dinc sakinlərinə qarşı xüsusi amansızlıqla törətdikləri kütləvi qırğını insanlığa qarşı cinayət adlandırıblar. Dünya tarixinə qara səhifə kimi düşmüş Xocalı soyqırımının heç vaxt unudulmayacağını bildirən Cəmiyyət üzvləri erməni faşizmini hiddətlə pisləyiblər. Onlar bu cür faciələrin təkrarlanmaması üçün dünya birliyini Xocalı soyqırımını törədən cinayətkarların məsuliyyətə cəlb olunması məqsədilə beynəlxalq hüququn tələb etdiyi addımları atmağa çağırıblar.

Xocalı soyqırımı qurbanlarının xatirəsi Belçikada da anılıb

Bu makaleyi paylaş

Share on facebook
Share on google
Share on twitter
Share on linkedin
Share on pinterest
Share on print
Share on email