TR  |  EN  |  RU
turkey turkey   azerbaijan kazakhstan kyrgyzstan turkmenistan uzbekistan kktc qha TAT BAŞQ
Ana Sayfa
Birlik Hakkında
Üye Haber Ajansları
Bildiri
Başkanın Mesajı
Tüzük
Haberler



Kazakistan
Алматыда Халықаралық Аралды құтқару қоры құрылтайшы мемлекеттер басшыларының саммиті өтіп жатыр

АЛМАТЫ. Сәуірдің 28-і. ҚазАқпарат - Бүгін Алматыда Халықаралық Аралды құтқару қоры (ХАҚҚ) құрылтайшы мемлекеттер басшыларының саммиті өтіп жатыр, деп хабарлайды ҚазАқпарат.
Ол Президенттердің екі жақты келіссөздерімен басталды. ХАҚҚ-ның құрылтайшы мемлекеттер басшыларының ішінде Алматыға ең соңынан келген Өзбекстан Президенті Ислам Каримов болды. Халықаралық Аралды құтқару қорын құрушы мемлекеттер басшыларының саммиті бұған дейін 2002 жылы Душанбеде өткен болатын. Онда «Арал теңізі бассейнінде 2003-2010 жылдары экологиялық және әлеуметтік–экономикалық ахуалды жақсартудың нақты әрекеттері бағдарламасының негізгі бағыттары» бекітілді. Алматыдағы осы Саммитті өткізу туралы келісім Орталық Азия елдері басшыларының 2008 жылы қазанның 10-ы күні Бішкекте өткен кездесуінде жасалды. Бұл алқалы жиын кезінде ХАҚҚ-ның жаңа жарғылық органының құрамы – Басқармасы, Атқару комитеті мен Тексеру комиссиясын құру, халықаралық ұйымдармен, қаржылық құрылымдармен және донорлармен ынтымақтастықты белсенді ету мәселелері талқыланбақ. Саммит соңында Қазақстан, Қырғызстан, Өзбекстан, Тәжікстан және Түрікменстан республикаларының Президенттері сондай-ақ, бірлескен мәлімдемеге қол қояды деп жоспарланып отыр.
Жалпы Халықаралық Аралды құтқару қоры 1993 жылы құрылған болатын. Мақсат – әлемдік қоғамдастық тарапынан ХХ ғасырдағы ірі апаттардың бірі деп мойындалған Арал теңізі бассейнінде әлеуметтік- экономикалық ахуалды жақсарту және экологиялық дағдарысты еңсеру. Бұл қордың Президенттері 1993-1997 жылдары Нұрсұлтан Назарбаев, 1997-1999 жылдары Ислам Каримов, 1999-2001 жылдары Сапармұрат Ниязов, 2002-2008 жылдары Эмомали Рахмонов болды. 2008 жылғы тамыздың 25-індегі ХАҚҰ құрушы мемлекеттер басшыларының шешіміне сәйкес оған 2009-2011 жылдары Қазақстан төрағалық етеді.

 
Шынжаң өкіметі Такла-Макан шөлінде үлкен әуежай салмақ
БЕЙЖІҢ. Сәуірдің 22-сі. ҚазАқпарат /Талғат Баймұхамбетов/ - Қытайдың Шынжаң-Ұйғыр автономиялық өлкесінің үкіметі Такла-Макан шөлінде елдегі ең үлкен әуежайды салу жобасын жария етті, деп хабарлайды ҚазАқпарат жергілікті бұқаралық ақпарат құралдарына сілтеме жасап.
Әзірге «Тачжун цзичан» («Шөл даланың ортасында әуежай») деп аталып отырған әуежайдың құрылысы 2011 жылы басталып, 2015 жылы аяқталуы тиіс.
Әуежай құрылысына салынатын қаражат сомасы 290 миллион юаньға бағаланып отыр.
 
Үкімет басшысының тілге қатысты бастамасын қолдауымыз керек – Мәдениет және ақпарат министрі

AСТАНА. Сәуірдің 15-і. ҚазАқпарат - Еліміздегі минстрліктер мен ведомстволар Үкімет басшысының бастамасын қолдап, жиындар мен мәжілістерді мемлекеттік тілде жүргізуі керек.
Бұл туралы бүгін Мәдениет және ақпарат министрі Мұхтар Құл-Мұхаммед министрліктің алқа мәжілісінде айтты, деп хабарлайды ҚазАқпарат.
«Біз мемлекеттік тілді қолдау ісін министрліктен бастауымыз керек. Кеше ғана өздеріңіз куә болдыңыздар, Үкімет мәжілісінде Премьер-Министр отырысты басынан аяғына дейін қазақ тілінде өткізді. Әріптестеріміздің барлығы шамалары келгенше, қазақша сөйледі.
Осы үрдіс алдағы уақытта да тап осы бағытта жалғасатын болады.
Біз бірте-бірте осыған үйренуіміз керек», деді министр.
Бұған қоса, биылғы жылдың халық санағы бойынша Қазақстанда қазақ халқының пайыздық көрсеткіші 67 пайызға жетіп отырғандығын атап өткен министр: «Біз халқымыздың өркендегендігінің белгісі ретінде - ана тілімізде сөйлеуді дәстүрге айналдыруымыз керек. Біз, әрине, өзге ұлт өкілдерінің жағдайын түсінеміз. Бірақ мемлекеттік тілге деген құрмет болуы қажет», деді М.Құл-Мұхаммед.

 
Қазақстаннан шетелдіктер асырап алған балалар саны 7 мың 500-ге жетті


АСТАНА. Сәуірдің 14-і. ҚазАқпарат /Қанат Мәметқазыұлы/ «Неке және отбасы туралы» заң қабылданғаннан бері шетелдіктер Қазақстаннан 7 мың 500 бала асырап алған.
Бұл туралы бүгін ҚР Парламенті Мәжілісінде өткен «Неке (ерлі-зайыптылық) және отбасы» кодексі жобасының өзекті мәселелерін талқылауға арналған дөңгелек үстел барысында Білім және ғылым министрлігі Балалар құқын қорғау комитетінің төрағасы Жұмажан Жүкенов мәлім етті, деп хабарлайды ҚазАқпарат.
«Шетелдіктердің Қазақстаннан асырап алған балалары саны жалпы республика бойынша асырап алынған балалардың 22,3 пайызын құрайды. Сонымен бірге, осы көрсеткіштің ішінде АҚШ азаматтары Қазақстаннан 6 мың 139 баланы, Испания – 437, Бельгия – 256, Ирландия 133 баланы асырап алған. Жалпы алып қарағанда, қазақстандық сәбилер жақын және алыс шетелдегі 30 мемлекеттің азаматтарына беріліп отыр. Сондай-ақ шетел азаматтарының елімізден бала асырап алуы 2004 жылмен салыстырғанда 24,4 пайызға төмендегені байқалады», -деді Ж. Жүкенов.
Оның айтуынша, 1999 жылдан бері қарай Қазақстан Республикасының азаматтарына 25 мың 785 бала отбасылық асырап алуға берілген. Ал бұның ішіндегі 418 бала шетелдік азамат болып табылатын сәбидің туыстарының тәрбиесіне алынған. «Өкінішке қарай, бүгінгі күні Қазақстан Республикасы азаматтары тарапынан өздері асырап алған балалардан бас тартып отырған жағдайлар да кездеседі. Мәселен, осы уақытқа дейін өздері асырауға алып, кейіннен бас тартқан 182 оқиға тіркелді. Ата-аналардың балалардан бас тартуына негізгі себеп бала тәрбиесіне қатысты дайындықтың жоқтығынан, сондай-ақ қаржылық қосымша шығындардың болатындығынан туындап отыр. Сәбиді асырап алған көптеген қазақстандық отбасылар бұндай қадамға барардан бұрын жауапкершілік жайын көп ойланбайды», - деді Ж. Жүкенов.

 
Kиевте Олжас Сүлейменовтың украин тіліне аударылған «Тарихқа дейінгі түркілер» кітабының таныстырылымы өтті

ИЕВ. Сәуірдің 10-ы. ҚазАқпарат - Киевте Қазақстан Елшілігі қазақтың танымал ақыны және жазушысы Олжас Сүлейменовтың украин тіліне аударылған «Тарихқа дейінгі түркілер» кітабының таныстырылымын өткізді, деп хабарлады ҚазАқпаратқа елшіліктің баспасөз қызметінен.
Шараға Украинаның зиялы қауым өкілдері, саяси, қоғамдық, іскерлік топтар мен дипломатиялық корпус өкілдері, қазақстандық өкілдіктердің басшылары мен қазақ диаспорасы қатысты.
Қазақстанның Украинадағы және Молдовадағы Елшісі Амангелді Жұмабаев жиналған қауымды Семей ядролық полигонын жабу ісіне негізгі үлес қосқан «Невада-Семей» антиядролық қозғалысын құрған О.Сүлейменовтың қоғамдық-саяси қызметімен таныстырып өтті. Қазақстан Президенті Н.Назарбаевтың полигонды жабу туралы Жарлыққа қол қоюы әлемдегі басқа да ядролық полигондардың - Жаңа жердегі (Ресей), Невада (АҚШ), Муруроа аралында (Франция), Лобнор көлінде (Қытай) полигондардың жабылуына, сондай-ақ ядролық сынақтарға мораторий енгізуге түрткі болды.
Олжас Сүлейменовтың әдеби шығармашылығына тоқталған Елші, «Тарихқа дейінгі түркілер» зерттеуі үшін автордың «Түркология саласындағы айтулы жетістіктері үшін» Күлтегін атындағы түрік сыйлығының бірінші лауреаты атанғанын, сондай-ақ өз еңбектерінің қорытындысы бойынша «Түркі әлеміне қосқан үлесі үшін» халықаралық сыйлығына лайық деп танылғанын атап көрсетті.     О.Сүлейменов өз сөзінде, осымен украин тіліне аударылған екінші кітабының таныстырылымына қатысып отырғанын атап көрсетті. Украин аударма мектебінің әлемге танымал екеніне тоқталған ол, Хэмингуэйдің толық шығармашылық жинағының АҚШ-та шықпай тұрып, 1985 жылы алдымен украин тілінде жарық көргенін мысал ретінде келтірді. «Украина және әлем саясатындағы бүгінгі қиын жағдайға қарамастан, аударма саласы үздік дәстүрлерінің әлі де жалғасын тауып отырғаны қуантады», - деді О. Сүлейменов.

 
<< Start < Prev 1 2 3 4 5 6 7 8 9 10 Next > End >>

Page 4 of 16
  TKA 2008