230622151125 Ca69a21e F449 44a1 A591 F290a44446a9

Кыргызстанга Казакстан менен Азербайжандын парламенттик делегациялары келди

Бишкек, 23.06.22. /Кабар/. Бүгүн, 23-июнда Кыргызстанга Түрк тилдүү өлкөлөрдүн Парламенттик ассамблеясынын (ТүркПА) Кеңешинин отурумуна жана 11-пленардык жыйынына катышуу үчүн Казакстандын Мажилисинин төрагасы Ерлан Кошанов жана Азербайжандын Улуттук Жыйынынын төрайымы Сахиба Гафарова баштаган парламенттик делегациялары келишти.

Жогорку Кеңештин басма сөз кызматы билдиргендей, меймандарды парламент төрагасынын орун басары Улан Примов тосуп алды.

Мындан тышкары, бүгүн ТүркПАга мүчө мамлекеттердин жана башка боордош өлкөлөрдүн парламенттик делегациялары да келери күтүлүүдө.

Алсак, Жогорку Кеңештин төрагасы Талант Мамытов Кыргызстанга келген парламенттик делегациялардын башчылары менен бир катар эки тараптуу жолугушууларды өткөрөт. Ал эми ТүркПАнын Кеңешинин отуруму жана 11-пленардык жыйыны өз ишин эртең, 24-июнда баштайт.

Bu makaleyi paylaş

Share on facebook
Share on google
Share on twitter
Share on linkedin
Share on pinterest
Share on print
Share on email