Ankara, 25 iyun, AZƏRTAC
Türkiyə Silahlı Qüvvələrinin birlikləri Suriya və İraq ərazilərində PKK-ya növbəti dəfə ağır zərbə vurub.
AZƏRTAC xəbər verir ki, bu barədə Milli Müdafiə Nazirliyi məlumat yayıb.
Bildirilir ki, Suriyanın şimalında yerləşən “Fırat Kalkanı“ antiterror rayonunda 5 PKK/YPG terrorçusu, İraqın şimalında isə 2 PKK üzvü məhv edilib.
Nazirlik rəsmi saytında əməliyyatları əks etdirən videomaterial yayıb.
Sabir Şahtaxtı
AZƏRTAC-ın xüsusi müxbiri
Ankara