Bakı, 30 sentyabr, AZƏRTAC
Gələn ildən Qazaxıstan sürət yarışlarından birinə ev sahibliyi edəcək. Söhbət MotoGP üzrə dünya çempionatından gedir.
AZƏRTAC xəbər verir ki, Qazaxıstan rəsmiləri artıq MotoGP rəhbərliyi ilə beşillik müqavilə imzalayıblar.
Yarışlar Almatı şəhərinin “Sokol” motodromunda keçiriləcək. Bununla da Qazaxıstan MotoGP Qran-Prisi təşkil edən 30-cu ölkə kimi tarixə düşəcək.