Ankara, 4 mart, AZƏRTAC
Türkiyə Silahlı Qüvvələrinə məxsus hərbi helikopter Bitlis vilayətində qəzaya uğrayıb.
AZƏRTAC xəbər verir ki, məlumatı Türkiyənin Milli Müdafiə Nazirliyi yayıb.
Qəza nəticəsində 9 hərbçi şəhid olub, 4-ü xəsarət alıb.
Hadisə yerinə xilasedici dəstələr cəlb olunub.
Qəzanın səbəbi barədə hələlik məlumat verilməyib.
Sabir Şahtaxtı
AZƏRTAC-ın xüsusi müxbiri
Ankara