İstanbul, 17 may, AZƏRTAC
Türkiyənin Bursa vilayətində terror aktı törətməyi planlaşdıran terrorçu-kamikadzelər saxlanılıb.
AZƏRTAC xəbər verir ki, bununla bağlı Türkiyənin Daxili İşlər Nazirliyindən açıqlama verilib.
Məlumata əsasən, İŞİD üzvü olan Muhammed Elali adlı terrorçunun ünvanında aparılan axtarış zamanı İŞİD terror təşkilatına məxsus çox sayda rəqəmsal material ələ keçirilib.
Türkiyənin Çorum vilayətində saxlanılan bu şəxsin daha iki nəfərlə ölkədə terror aktı hazırlığında olduğu müəyyən edilib. Bu istiqamətdə başladılan istintaq nəticəsində terrorçulardan üçü də ələ keçirilib.